ක්‍රීඩා අමාත්‍ය නාමල් රාජපක්ෂ මහතා විසින් වත්මන් නිලධරයන්ට සහාය දැක්වීම සඳහා කලින් දින යෙදු ගැසට් නිවේදනයක් නිකුත් කරන බවට චෝදනා කිරීමෙන් පසු මැයි මාසයේ පැවැත්වීමට නියමිත ශ්‍රී ලංකා ක්‍රිකට් මැතිවරණය නොසන්සුන්කාරී තත්ත්වයකට පත්විය හැකි බව අනාවරණය වී තිබේ.
සමාජ මාධ්‍ය හරහා සංසරණය වී ඇති ගැසට් නිවේදනයෙන් පෙනී යන්නේ ෂම්මි සිල්වාගේ ප්‍රධානත්වයෙන් යුත් ශ්‍රී ලංකා ක්‍රිකට් විධායක කමිටුවට ක්‍රීඩා අමාත්‍යවරයා විසින් අවසර ලබා දී ඇති බවත්, ඔවුන්ගේ කාලය පෙබරවාරි 21 වනදායින් අවසන් වුවද අප්‍රේල් මාසය දක්වා ඔවුන්ගේ කාර්යාලවල කටයුතු කළ හැකි බවත්ය.
පෙබරවාරි 20 වන විට විගණනය කරන ලද ගිණුම් ඉදිරිපත් කිරීමට අපොහොසත් වීම නිසා ෂම්මි සිල්වා, ශ්‍රී ලංකා ක්‍රිකට් ලේකම් මොහාන් ද සිල්වා සහ භාණ්ඩාගාරික ලසන්ත වික්‍රමසිංහ යන මහත්වරුන් මැතිවරණයට ඉදිරිපත් වීමට නුසුදුසු බව වාර්තා පල වී තිබේ. දැන්, පෙබරවාරි 15 දිනැති ක්‍රීඩා අමාත්‍යවරයා විසින් නිකුත් කරන ලද ගැසට් පත්‍රය හේතුවෙන් ශ්‍රී ලංකා ක්‍රිකට් ආයතනයේ හිටපු නිලධාරි මණ්ඩලය නීත්‍යානුකූල කර ඇති අතර එම නිසා පෙබරවාරි 25 වන දින ඔවුන්ගේ ගිණුම් ඉදිරිපත් කිරීම ද වලංගු වේ.
ෂම්මි සිල්වාගේ කමිටුව 2019 පෙබරවාරි 20 වන දින තේරී පත් වූ අතර ඒ අනුව ඔවුන්ගේ දෙවසරක කාලය 2021 පෙබරවාරි 20 වන දිනෙන් අවසන් වූ බව නීතිපතිවරයා ක්‍රීඩා අමාත්‍යවරයාට දන්වා තිබේ.
විගණනය කරන ලද ගිණුම් ඉදිරිපත් කිරීමට අපොහොසත් වීමෙන් ක්‍රීඩා මණ්ඩලයේ සභාපති, ලේකම් සහ භාණ්ඩාගාරික විසින් ඊළඟ මැතිවරණයට ඉදිරිපත් වීමට නුසුදුසු වේ.
පෙබරවාරි 15 දිනැති අතිවිශේෂ ගැසට් නිවේදනය ප්‍රසිද්ධියට පත් වූ බැවින්, ක්‍රීඩා අමාත්‍යවරයා ශ්‍රී ලංකා ක්‍රිකට් ආයතනයේ කටයුතු මෙහෙයවීම සඳහා පස් දෙනෙකුගෙන් යුත් කමිටුවක් පත් කර තිබේ. ෂම්මි සිල්වාගේ කමිටුවේ ධුර කාලය අවසන් බවට නීතිපතිවරයාගේ නියෝගය අමාත්‍යවරයා විසින් අනුගමනය කර ඇති බවට එය ඇඟවීමකි.
No comments:
Post a Comment