ජෝර්දානයේ හිටපු ඔටුන්න හිමි කුමරු රජයට එරෙහිව ගෝත්‍රික නායකයින් බලමුලු ගැන්වීමට උත්සාහ කළ බවට එරට නියෝජ්‍ය අගමැති පවසයි.හම්සා බින් හුසේන් කුමරු රාජ්‍යය අස්ථාවර කිරීම සඳහා “විදේශීය ආයතන” සමඟ කටයුතු කළ බව අයිමන් සෆාඩි පැවසීය.
ඔහු නිවාස අඩස්සියේ රඳවා සිටින බව පවසමින් කුමරු මීට පෙර වීඩියෝ දෙකක් නිකුත් කර තිබුණි. ඔහු කුමන්ත්‍රණය ප්‍රතික්ෂේප කළ නමුත් ජෝර්දානයේ නායකයින්ගේ දූෂණය හා නොහැකියාව පිළිබඳ චෝදනා කළේය.
ජාතික ආරක්ෂාවට තර්ජනය කිරීමේ චෝදනාව මත අබ්දුල්ලා රජුගේ හිටපු උපදේශකයෙකු සහ රාජකීය පවුලේ තවත් සාමාජිකයෙකු ඇතුළු 16 දෙනෙකු සෙනසුරාදා අත්අඩංගුවට ගනු ලැබීය.රජුගේ අර්ධ සහෝදරයා වන හම්සා කුමරු සිය වීඩියෝ පටවල සඳහන් කර ඇත්තේ ඔහුට පිටතට යාමට හෝ මිනිසුන් සමඟ සන්නිවේදනය කිරීමට නොහැකි බවයි.
කුමරු ගෝත්‍රික නායකයින් බැලීමට යාමෙන් පසුව මෙම පියවර ගන්නට ඇතැයි විශ්වාස කෙරේ. එහිදී ඔහුට යම් සහයක් ලැබී ඇතැයි කියනු ලැබේ.
ඔහුගේ මව, ඇමරිකානු සම්භවයක් ඇති නූර් රැජින පවසා ඇත්තේ, “දුෂ්ට නින්දා අපහාසවලට ගොදුරු වූ අහිංසකයන් වෙනුවෙන් ඇය යාච්ඥා කරන බවයි “.
No comments:
Post a Comment