සම්මුතිවාදී ආණ්ඩුවේ මංගල අයවැය මේ වනවිට මුදල් අමාත්‍ය රවී කරුනානායක මහතා විසින් පාර්ලිමේන්තුවට ඉදිරිපත් කරමින් සිටී. 2016 අයවැය නිදහස් ශ්‍රී ලංකාවේ 69 වන අයවැයයි.
- ජාත්‍යන්තර වෙළඳ කටයුතු කෙරෙහි විශේෂ අවදානයක් යොමු කරනවා.
- කෘෂිකර්ම නිෂ්පාදන සහ අපනයන සඳහා වැඩි සැළකිල්ලක් යොමු කර ආසියාවේ ධාන්‍යගාරය ලෙස ශ්‍රී ලංකාව යළි ස්ථාපනය කරනවා.
- 2005 – 2014 කාල සීමාව රටේ ජනතාවගේ ආර්ථික බලාපොරොත්තු නිසි අයුරින් ඉෂ්ට නොවූ කාලසීමාවක් ලෙස හැඳින්විය හැකියි. 2015 ජනවාරි 08 වෙනසකට මුල පුරමින් නව යුගයක් උදා වුණා.
- විදේශ රටවල තැන්පත් කර තිබෙන මුදල් අපේ රට ට යළි ගේන්න කියලා අපි ලාංකිකයින්ට ආරාධනා කරනවා
- බදු සහ ගාස්තු වර්ග 35ක් අය බදු ක්‍රමය තුළ තිබෙනවා
- රජයේ ආදායම් වැඩි වශයෙන් ලැබෙන්නේ වක්‍ර බදු ආදායම් තුළින් එම නිසා බදු ආදායමට අඩු වී තිබේ
- 2016 අයවැය සකස් කිරිමේදී අපගේ ආණ්ඩුව ශූන්‍ය අයවැය සංකල්පය ඉලක්ක කර ගත්තා
- රජයේ ණය වර්තමානය වනවිට 72%ක් පමණ තත්ත්වයක පවතිනවා
- ශ්‍රී ලංකාවේ අධ්‍යාපන ක්‍රමය හරවත් ලෙස නවීකරණය විය යුතුයි
- පෞද්ගලික අංශයේ සේවකයින් සඳහා විශ්‍රාම වැටුප් ක්‍රමයක් ඇති කළ යුතුයි. එවිට ඔවුන් ජ්‍යෙෂ්ඨ පුරවැසියන් වූ විට ඔවුන්ට අැතිවන ගැටලු අඩු වෙයි
- නගර සංවර්ධනයට මෙගා පොලිස් ක්‍රමය වඩාත් යෝග්‍ය වේ
- ඉහළ ප්‍රමිතියෙන් හා විශ්වාසයෙන් යුත් ප්‍රවාහන සේවයක් ඇති කළ යුතුයි
- වෙළඳපොල මූලික කරගත් ආර්ථික ක්‍රමයකට රජය කැප වී සිටිනවා
- පරිසර හිතකාමි බලශක්ති ක්‍රම වේදයකට යොමු විය යුතුයි
- අපි එක්සත් නොවන්නේ නම් අපගේ පැවැත්මට හානි සිදුවිය හැකියි
- මුදල් ඇමති විසින් අයවැය යෝජනා කියවීම ඇරඹේ
- සුළු සහ මධ්‍ය පරිමාණ ව්‍යවසායකයින් වෙනුවෙන් නියාමන අධිකාරියක්
- සුළු මධ්‍ය පරිමාණ සේවකයින්ට ණය දීමට රුපියල් මිලියන 500ක්
- කාර්මික උද්‍යාන මොණරාගල, පුත්තලම, යාපනය, වන්නි
- වී සඳහා සහතික මිලක් ලබා දෙනවා. කීරි සම්බා කිලෝ 1ක් රුපියල් 50 / සම්බා කිලෝ 1ක් රුපියල් 41 / නාඩු කිලෝ 1ක් රුපියල් 38
- එළවළු සහ පළතුරු වගා කිරීම සඳහා කල් බදු ක්‍රමය යටතේ පාවිච්චියට නොගත් ඉඩම් ගොවීන්ට ලබා දෙනවා
- ග්‍රෑම් 400 කිරිපිටි පැකට්ටුවක මිල රුපියල් 295 දක්වා අඩු කරනවා
- එළවළු, පළතුරු නිෂ්පාදන යන්ත්‍ර ආනයන බද්දෙන් නිදහස්
- පොහොර සහනාධාරය සුළු පරිමාණ වී ගොවීන්ට පමණයි
- ධීවර වරායන් සංවර්ධනයට රුපියල් මිලියන 750ක්
- ධීවරයින් වෙනුවෙන් රුපියල් මිලියනයක ජිවිත රක්ෂණයක්
- තේ කර්මාන්තයේ ගැටලු විසඳීමට ක්‍රියාකාරී කමිටුවක්
- තේ අපනයනයේදී ශ්‍රී ලංකා තේ යනුවෙන් නාමකරණය අනිවාර්යයි
- තේ සහ රබර් වගා කරන සමාගම් වසර 2ක බදු වලින් නිදහස්
- ග්‍රාමීය ආර්ථිකය සංවර්ධනය සඳහා එක් ගමකට රුපියල් මිලියන 1500ක් වෙන් කරනවා
- වව්නියාවේ නව ආර්ථික කලාපයකට රුපියල් මිලියන 200ක්
- මත් උවදුර මැඩලීමට ළමා රක්ෂණයට රුපියල් මිලියන 2000ක්
- අලි මිනිස් ගැටුම මැඩලීමට වසර 3ක් තුළ වනජීවි සංරක්ෂණ දෙපාර්තමේන්තුවට මිලියන 4000ක්
- රත්‍රං ආනයනයට බදු රහිතව බලපත්‍ර 50ක්
- සියලු රාජ්‍ය ආයතන ඩිජිටල්කරණයට යෝජිතයි
- ඩිජිටල් ජාතික හැදුනුම්පත 2016 ජනවාරි 01 වන දා සිට
- රැකියා 500ක් උත්පාදනය කරන විදේශ ආයෝජනවලට 50%ක බදු නිදහසක්
- නව ආයෝජන පනත් හදුන්වාදීමට නියමිතයි
- පවතින ඕනෑම බැංකුවක් හරහා ශ්‍රී ලංකාවේ මුදල් ආයෝජනයට විදේශිකයින්ට අවස්ථාව
- සුපිරි බද්ද සම්පූර්ණයෙන්ම ඉවත් කෙරේ
- නිවාස ඉදිකිරිම සඳහා රජයේ මෙතෙක් ප්‍රයෝජනයට නොගත් ඉඩම් නිදහස් කෙරේ
- අඩු ආදායම්ලාභීන් වෙනුවෙන් වසර 5ක් තුළ නිවාස ලක්ෂයක්
- මැතිවරණ කොට්ඨාසයක නිවාස දහසක් ඉදිකිරීමට රුපියල් මිලියන 4500ක්
- ඉදිකිරීම්වලදී ඕනෑම විදේශීය සමාගමකට දේශීය කොන්ත්‍රාත්වරුන් සමග කටයුතු කළ හැකියි
- ගොඩනැගිලි ක්ෂේත්‍රයේ පුහුණවන ශ්‍රමිකයින්ට රුපියල් 10,000ක මාසික දීමනාවක්
- ඩී.ආර්. විජේවර්ධන මාවතේ කොළඹ අන්තර්ජාතික මූල්‍ය කේන්ද්‍රස්ථානයක් පිහිටුවනවා
- දිවිනැගුම අරමුදල ජාතික ඉතිරිකිමේ බැංකුව හා ඒකාබද්ධ කෙරේ
- දේශීය පෞද්ගලික බැංකු විදේශ ශාඛා ඇරඹීමේදී සහන
- බැංකු අණකර ගාස්තු රුපියල් 250 සිට 150 දක්වා අඩු කෙරේ
- නව වාහන ලියාපදිංචි ගාස්තුව – ත්‍රීරෝද සහ යතුරු පැදි රුපියල් 2,000 / මෝටර් රථ රුපියල් 15,000
- සියලු සේවකයින් සඳහා වැටුප් ගිණුමක් හඳුන්වාදීමට පියවර
- සියලුම පාසල් දරුවන් සඳහා රුපියල් 250කින් ඉතිරි කිරීමේ ගිණුමක් ඇරඹේ
- රැඳවුම් බද්ද ඉවත් කෙරේ
- පෞද්ගලික අංශයේ වැටුප් අවම වශයෙන් රුපියල් 2500කින් වැඩි කරන්නැයි යෝජනා කරනවා
- ස්වාධීන අධ්‍යක්ෂ මණ්ඩලයක් යටතේ බැඳුම්කර නිශ්කාෂණ ආයතනයක්
- රජයේ සහ රජයෙන් අාධාර ලබන පාසල්වල ගුරුවරුන්ට වසර 2ක ගුරු පුහුණුවක්
- 2016 අවසන්වීමට පෙර සියලුම පාසල්වලට සනීපාරක්ෂණ සහ ජල පහසුකම්
- මුද්‍රිත පොත් සඟරා සහ ජර්නල් වලින් ආනයන බදු ඉවතට
- සියලුම පාසල් සිසුන්ට 13 ශ්‍රේණියෙන් පසු වෘත්තීය පුහුණුව අනිවාර්යයි
- අධ්‍යාපනයට රුපියල් මිලියන 90,000 ක්
- පාසල් නිල ඇදුම් සඳහා වෙළඳපොළ වටිනාකමට අනුව වව්චර්
- 2018 වනවිට සියලුම විශ්වවිද්‍යාල සිසුන්ට නේවාසිිකාගාර පහසුකම්
- මහපොළ නමින් විශ්වවිද්‍යාලයක් මාලඹේ දී
- කිලිනොච්චියේ ඉංජිනේරු විද්‍යා පීඨයක් ද වව්නියාවේ කෘෂිකර්ම පීඨයක් ද පිහිටුවනවා
- විශ්වවිද්‍යාල සිසුන්ට වසර 3ක පොලී රහිතව ලැප්ටොප්
- සියලු විශ්වවිද්‍යාල වලට වයි-ෆයි කලාප
- ආඝාත මධ්‍යස්ථාන සඳහා රුපියල් මිලියන 5000ක්
- රුධිර කාන්දුකරණ මධ්‍යස්ථාන 1000ක් ඉදිකිරීමට මිලියන 6500ක් වෙන් කරනවා
- නල්ලූර් , මහනුවර සහ මාතරට පිළිකා රෝහල්
- පොලිස් ස්ථාන සංඛ්‍යාව 600 දක්වා වැඩි කිරීමට පියවර ගන්නවා
- පොලිස් සේවයේ වැටුප් විෂමතා වසර 2ක් තුළ විසඳීමට පියවර
- දිගන, බදුල්ල සහ පුත්තලමේ අභ්‍යන්තර ගුවන් තොටුපොළවල් ඉදි කරනවා
- මත්තල ගුවන් තොටුපොළ භාණ්ඩ මෙහෙයුම් කේන්ද්‍රස්ථානයක් බවට පත් කිරීමට පියවර ගන්නවා
- 2016 ජනවාරි 01 වන දා සිට රාජ්‍ය සේවයට බැඳෙන සේවකයින්ට නව විශ්‍රාම ක්‍රමවේදයක්
- කැලණිවැලි දුම්රිය මාර්ගයේ නවීකරණයට රුපියල් මිලියන 1500ක්
- පෑලියගොඩ සිට නව කොටුව පිවිසුම් මාර්ගයක් ඉදි කිරීමට පියවර ගන්නවා
- තෝරාගත් අත්‍යාවශ්‍ය භාණ්ඩ 11ක මිල පහළට
- ළදරු කිරිපිටි මිල රුපියල් 100 කින් පහළට
- අර්තාපල් සහ ලොකු ලූණු සඳහා විශේෂ වෙළඳ බද්ද අඩු කෙරේ
- ග්‍රෑම් 425 ටින් මාළු රුපියල් 125ක් දක්වා පහළට
- හාල් මැස්සෝ කිලෝ 1ක් සඳහා 410ක උපරිම සිල්ලර මිලක්
- පරිප්පු කිලෝ 1ක් සඳහා රුපියල් 169ක උපරිම සිල්ලර මිලක්
- කිලෝ ග්‍රෑම් 12.5ක ගෑස් සිලින්ඩරයක මිල රුපියල් 150කින් පහළට
- භූමිතෙල් ලීටරයක මිල රුපියල් 10කින් පහළට
- ඉංග්‍රිසී සහ දෙමළ නාට්‍ය සඳහා පනවා තිබු බද්ද ඉවත් කෙරේ
- ඔට්ටු තැබීම සහ සූදු සඳහා වන බද්ද මිලියන 400 දක්වා වැඩි කෙරේ
- ඇස්බැස්ටස්වලින් තොර රටක් සඳහා පියවර
- අයවැය කතාව අවසන්
- පාර්ලිමේන්තුව හෙට පෙ.ව. 9.30 දක්වා කල් තැබේ
No comments:
Post a Comment