එක්සත් ජාතීන්ගේ මානව හිමිකම් කවුන්සිලය ශ්‍රී ලංකාවට එරෙහි යෝජනාවක් සම්බන්ධයෙන් ඡන්ද විමසීමට දිනකට පෙර ජනාධිපති ගෝඨාභය රාජපක්ෂ “ඉස්ලාමීය සහයෝගීතා සංවිධානයේ” මහලේකම් ආචාර්ය යූසෙෆ් ඒ. අල්-ඔතයිමීන්ට දුරකථන ඇමතුමක් ලබාගෙන ඇති අතර, ඔහු සමඟ ඉස්ලාමීය සහයෝගීතා සංවිධානය සහ ශ්‍රී ලංකාව අතර පවත්නා සබඳතා පිළිබඳව හා ශ්‍රී ලංකාවේ මුස්ලිම් ප්‍රජාවගේ තත්ත්වය පිළිබඳ සාකච්ඡා කර තිබේ.
අල්-ඔතයිමීන් ශ්‍රී ලංකා ජනාධිපතිවරයාගේ දුරකථන ඇමතුම සහ ජාත්‍යන්තර සංවිධාන වෙත එළඹීමට ඇති කැමැත්ත අගය කළ අතර ඉස්ලාමීය චාරිත්‍රවලට අනුකූලව මියගිය අය භූමදාන කිරීමට මුස්ලිම්වරුන්ට ඇති අයිතිය සම්බන්ධයෙන් ශ්‍රී ලංකා රජය ගත් තීරණය පිළිගත්තේය.
මුස්ලිම් ප්‍රජාවන්ගේ කොන්දේසි පිළිපැදීමට සහ ඉස්ලාමීය සහයෝගීතා සංවිධානයට අයත් නොවන සාමාජික රටවල අයිතිවාසිකම් ආරක්ෂා කිරීමට ඉස්ලාමීය සහයෝගීතා සංවිධානයේ ඇති උනන්දුව මහලේකම්වරයා මෙහිදී ප්‍රකාශ කර තිබේ.
ඉස්ලාමීය සහයෝගීතා සංවිධානය යනු එක්සත් ජාතීන්ගේ මානව හිමිකම් කවුන්සිලයේ කොටසක් වන මුස්ලිම් රටවල් ගණනාවකින් සමන්විත ලොව විශාලතම මුස්ලිම් ආයතනයයි.
ජනාධිපතිවරයාගේ මෙම දුරකථන ඇමතුම එක්සත් ජාතීන්ගේ මානව හිමිකම් කවුන්සිලයේදී අද පැවැත්වෙන ඡන්ද විමසීමේදී ශ්‍රී ලංකාවට සහාය දිනාගැනීමේ අරමුණින් ලබාදුන්නක් බව සඳහන් වේ.
මේ අතර මානව හිමිකම් කවුන්සිලයේ සාමාජිකයෙකු වන බහරේනයේ යුව රජු සල්මන් බින් හමාඩ් අල් කලීෆා සමග අගමැති මහින්ද රාජපක්ෂ ද අද (22) පැවැත්වෙන ඡන්ද විමසීමේදී ශ්‍රී ලංකාවට සහාය දිනාගැනීමේ අරමුණින් දුරකථන සංවාදයක් පවත්වා තිබේ.
No comments:
Post a Comment