ත්‍රිකුණාමලය මුහුදේ පාවෙමින් ඇතැයි පැවසෙන මළ සිරුරු සෙවීම සඳහා අද උදෑසන ඩෝරා යාත්‍රා දෙකක් පිටත්කර යැවූ බව නාවික හමුදාව පවසයි.
නාවික හමුදා ප්‍රකාශක, කැප්ටන් අක්‍රම් අලෙවි මහතා පැවසුවේ, තව ත් යාත්‍රාවක් පිටත්කර යැවීමට කටයුතු යොදා ඇති බව ය.
නාවික හමුදා ප්‍රකාශක, කැප්ටන් අක්‍රම් අලෙවි මහතා සඳහන් කළේ, ත්‍රිකුණාමල වෙරළ තීරයට නාවික සැතපුම් 20 ක් ඔබ්බෙන් මළ සිරුරු 6 ක් මුහුදේ පාවෙමින් ඇති බවට ලද තොරතුරු මත ඊයේ සවස 5 ට පමණ ඩෝරා යාත්‍රා දෙකක් පිටත් කර හැර ඇති බව ය.
කෙසේ වෙතත් අදාළ යාත්‍රා දෙකට එම මළ සිරුරු හමු නොවිණ.
මුහුදේ රළු ස්වභාවය හේතුවෙන් අදාළ ඩෝරා යාත්‍රා දෙක ඊයේ රාත්‍රී 12 ට පමණ යළි ත් ත්‍රිකුණාමලය වෙත පැමිණ තිබේ.
නාවික හමුදා ප්‍රකාශකවරයා සඳහන් කළේ, අද පෙරවරුවේ යළි ත් අදාළ සෝදිසි කිරීම් ආරම්භ කිරීමට පියවර ගත් බව ය.
ඒ අනුව, අද පෙරවරුවේ ඩෝරා යාත්‍රා දෙකක් පිටත්කර යැවු බව ද නාවික හමුදා ප්‍රකාශකවරයා සඳහන් කළේ ය.
ඒ පිළිබඳව තොරතුරලක් ලද හොත් දැනුම් දෙන ලෙස ප්‍රදේශයේ ධීවර ප්‍රජාව දැනුවත් කර ඇති බව ද නාවික හමුදාව පැවසී ය.
No comments:
Post a Comment